കൊല്ലം: ലോറിയുടെ മുകളില്‍ നിന്ന് വീണു പരിക്കേറ്റ് ചികിത്സയിലായിരുന്ന യുവാവ് മരിച്ചു. കുഴിമതിക്കാട് ചരുവിള വീട്ടില്‍ വിജയന്‍പിള്ളയുടെ മകന്‍ ബിനുകുമാറാണ് (40) മരിച്ചത്.
കോട്ടയത്ത് നാഷണല്‍ പെര്‍മിറ്റ് ലോറിയുടെ മുകളില്‍ നിന്നു ചരക്കുകള്‍ കെട്ടി മുറുക്കുന്നതിനിടയില്‍ അബദ്ധത്തില്‍ താഴെ വീണായിരുന്നു അപകടം.
കഴിഞ്ഞ ദിവസമായിരുന്നു സംഭവം. ഉടന്‍ കോട്ടയം മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ചെങ്കിലും ഇന്ന് പുലര്‍ച്ചെ മരണത്തിന് കീഴടങ്ങി.നേരത്തെ കുണ്ടറ പ്രദേശത്ത് ഓട്ടോയിലും സ്വകാര്യ ബസിലും ഡ്രൈവര്‍ ആയിരുന്നു ബിനുകുമാര്‍.
